70 настан малчин зээ хүүгийн хамтаар чононд ноцуулсан хэрэг гарчээ

Говь-Алтай аймгийн Халиун сумын Гүү бариач багийн нутагт 2020 оны хоёрдугаар сарын 12-ны өдөр уг хэрэг гарсан байна. 70 настай Нэргүйг 12 настай зээ хүүгийн хамт малдаа явж байхад нь чоно дайрч ноцон гэмтэл учруулсан байна. Өндөр настан Нэргүйгийнх Халиун сумын Гүү бариач багийн нутагт орших Цалуу хэмээх газар өвөлждөг аж. Өвөлжөөнөөсөө киломeтр орчмын зайд зээ хүүгийн хамт малдаа явж байсан гэнэ. Тухайн өдөр цасан шуургатайгаас үзэгдэх орчин муу байсан бөгөөд малынхаа нөгөө захад явсан хүү рүү чоно эхэлж дайрсан гэнэ. Тиймээс өндөр настан Нэргүй хүү рүү дайрсан чонын аманд тулж явсан модоо тэвхдэн гацааж, хүү чулуугаар цохиж нүдсэнээр чононоос арай гэж мултарч гэртээ ирсэн гэнэ. Чононд ноцуулсан өндөр настан Нэргүй, зээ хүүгийн хамтаар зөөлөн эдийн гэмтэлтэй гэсэн оноштойгоор аймгийн эмнэлгийн Халдвартын тасагт хэвтэн эмчлүүлж байна. Мөн урьдчилан сэргийлэх зорилгоор галзуугийн тарилга хийсэн тухай ойрын эх сурвалж мэдээллээ. Мөрч.мн