Хүүхдийн хамгааллын хариу үйлчилгээ, түр хамгаалах байр, “Өнөр бүл” хүүхдийн төвүүдэд ажиллав

Энэ оны 02 дугаар сарын 04-ны өдөр Гэр бүл, хүүхэд, залуучуудын хөгжлийн газрын даргаар М.Энх-Амар томилогдож байгууллагынхаа газрын дарга нар болон мэргэжилтнүүдтэйгээ танилцаж цаг үеийн байдлаар шуурхай хурал хийлээ.

Мөн М.Энх-Амар дарга эхний ажлаараа агентлагийн харьяа байгууллага болох Хүүхдийн тусламжийн утас-108, Хүүхдийн хамгааллын хариу үйлчилгээ, түр хамгаалах байр, “Өнөр бүл” хүүхдийн төвүүдэд ажиллажээ. Уг ажлын хүрээнд тухайн байгууллагуудад тулгамдаад буй асуудлыг газар дээр нь шийдвэрлэн, зөвлөмж чиглэл өгч ажиллаа. Мөн хүүхдүүдэд нэн шаардлагатай байгаа эм тариа, витамин, маск, ариутгалын бүтээгдэхүүн, ээлжинд ажиллаж буй 108 төвийн зөвлөгч болон түр хамгаалах байрны нийгмийн ажилтнуудад дархлаа дэмжих амин дэм гар ариутгалын бодис шаардлагатай бүтээгдэхүүнийг хүлээлгэн өглөө.