Хичээлийн шинэ жил эхлэхтэй зэрэгцээд их, дээд сургуулиуд сургалтын төлбөрөө ёс юм шиг нэмдэг. Эл шалтгаанаа ихэвчлэн инфляцтай холбон тайлбарладаг билээ. 2019-2020 оны хичээлийн жилд ч их, дээд сургуулиудын сургалтын төлбөр нэмэгдсэн байна. Улсын хэмжээний таван том сургуулийн сургалтын төлбөр хэрхэн өөрчлөгдсөнийг тодрууллаа. МУИС-ийн Төлөөлөн удирдах зөвлөл тун удахгүй хуралдаж, нэг кредит цагийн төлбөрийг хэдэн төгрөгөөр нэмэхийг шийдэх гэнэ. Тус сургуулийн нэг кредитийн үнэлгээ мэргэжлийн хичээлүүдээсээ хамаарч 98 600, 111 000, 120 000 төгрөг байна. МУИС кредит цагийн үнэлгээгээ жил бүр дунджаар 10-15 хувиар нэмдэг аж.

МУБИС суурь, мэргэжлийн хичээлүүдийнхээ нэг кредитийг 6-8 мянган төгрөгөөр нэмсэн байв. Харин ХААИС-д элсэгчид сургалтын төлбөрөө энэ сарын 19-26-нд төлнө. Тус сургуулийнхан “Сургалтын төлбөрийг 100-200 мянган төгрөгөөр нэмэх байх” гэсэн бол АШУҮИС-д шинээр элсэгчдийн төлбөр дунджаар 3 811 500 төгрөг байна. Тэднийх сургалтын төлбөрөө 100 гаруй мянган төгрөгөөр нэмснээ хэлсэн юм. Тэгвэл ШУТИС-ийн нэгдүгээр дамжааныхан энэ хичээлийн жилд 30 кредит үзнэ гэвэл сургалтын төлбөрт 2.5 сая төгрөг төлөх юм байна. Дээрх сургуулийн удирдлага нэг кредитийн үнэлгээгээ дунджаар 6-10 мянган төгрөгөөр нэмснийг оюутнууд нь хэллээ.

Leave a Reply

Your email address will not be published. Required fields are marked *

Previous post Гэрч нарыг асууж эхэллээ
Next post Иргэдийн саналыг харгалзан замын бүсчлэлийн асуудлыг түр хугацаагаар хойшлууллаа

More Stories

Монгол хэл бичгийн шалгалтыг цахимаар зохион байгуулахыг түр хугацаанд хэрэгжүүлэхгүй байхаар шийдвэрлэжээ

Пүрэв Дашдорж

Монгол Улсын хэмжээнд их, дээд сургууль, коллежид элсэгчдийн эх хэлний боловсролын чанар, хэрэглээ, иргэдийн харилцааны соёл, эх хэлний дархлааны түвшнийг...

“Оюу Толгой” төслийн Монголд ногдох өгөөжийг 60 хувиас нэмэгдүүлэх, 2026 онд багтаан ногдол ашиг олгох шаардлага тавилаа

Пүрэв Дашдорж

Ерөнхий сайд Г.Занданшатар 2026 оны нэгдүгээр сард “Оюу Толгой” төсөлд Монгол Улсын эрх ашгийг хангуулахаар “Оюу Толгой” ХХК болон “Рио...