Реппер Don Dior-т нэг жилийн тэнсэн харгалзах ял оноожээ

Тодруулбал, өнгөрөгч 2018 оны есдүгээр сард Сүхбаатар дүүргийн нутаг дэвсгэрт байрлах “Гэрэлт гудамж”-нд явж байх үедээ хар тамхи хэрэглэж байгаад цагдаад баригдсан байдаг. Д.Мөнхтулга шүүхийн танхимд энэ талаар ярихдаа “Миний уран бүтээлийг дэмжиж сонсдог хоёр залуу завтай бол хамт тамхилаач” гэхээр нь би мэндлээд, гар барьсан. Тэр үед нөгөө залуу “Надад халаас алгаа. Чи энэ зүйлийг цүнхэндээ түр хийчхээч” гээд өгөхөөр нь би гялгар ууттай зүйлийг үзэж шалгалгүй цүнхэндээ хийчихсэн юм. Өвс гэж мэдээгүй. Яг тэр үед цагдаа нар ирж, намайг дуудсан” гэжээ.

Шүүх бүрэлдэхүүн түүнийг гэм буруутайд тооцож нэг жилийн хугацаагаар нээлттэй хорих байгууллагад эдлүүлэх санал гаргасан. Харин шүүгдэгч Д.Мөнхтулга болон түүний өмгөөлөгч нарын зүгээс “Гэм буруугаа хүлээн зөвшөөрсөн, анх удаа гэмт хэрэг үйлдсэн учир хорих ял оногдуулахгүйгээр тэнсэн харгалзах ялаар шийтгэж өгнө үү гэсэн санал гаргасны үндсэн дээр шүүхээс дээрх саналыг хүлээн авч, Д.Мөнхтулгад нэг жилийн хорих ял оноож, тэнсэн харгалзахаар болжээ.