Гурван настай охиныг ээж, эмээ хоёр нь эзгүй гэрт орхиж явснаас охин амиа алдсан хэрэг хойд хөршийн Киров хотод гарчээ. Охин ээж эмээ хоёртойгоо амьдардаг байсан аж. Эмгэнэлт хэрэг болсон шалтгаан нь ээж, эмээ хоёрын үл ойлголцлоос үүдэлтэй юм байна. Эмээ нь зээ охиноо ээжтэйгээ хамт байгаа гэж бодож байсан бол ээж нь охиноо эмээтэй нь хамт үлдээсэн гэж бодож байж.  

Хүний эрхийн хуульч Ярослав Михайлов энэ талаар мэдээлсэн “Московский комсомолец” сонины сурвалжлагчид өгсөн ярилцлагдаа охины эхийн тоомжиргүй хандлагыг буруушаасан байна. Охин амиа алдахад хүрсэн өдрүүдийн нэгэнд төрсөн өдөр нь болж байсан гэнэ. Харин эх нь охиныхоо төрсөн өдрөөр эзгүй, хаа нэг газраас олон нийтийн сүлжээгээр баярын мэнд хүргэдэг байж. Хөршүүдийнх нь хэлснээр, охин гэртээ байнга цоожтой үлддэг байсан гэнэ. Ээж эмээ хоёр нь охиныг нэг, хоёр хоногоор орхиод явчихдаг тухай тэд батлан ярьсан байна.

Охиныг амиа алдсан байхыг энэ сарын 20-ны өдөр мэджээ. Эмээ нь охиндоо төрсөн өдрийн баяр хүргэхээр очоод энэ талаар мэдсэн гэнэ. Харин төрсөн эх нь өөрийгөө буруутай гэж үзэхгүй байна гэсэн мэдүүлгийг хуулийн байгууллагад өгчээ. Түүнд ОХУ-ын Эрүүгийн хуулийн 105 дугаар зүйлийн 2-ын В, Д заалтаар хэрэг үүсгэн шалгаж байгаа аж.

Б.Баатар

Leave a Reply

Your email address will not be published. Required fields are marked *

Previous post Хотын даргыг томилох хуралдаан маргааш болно
Next post  Амиа егүүтгэсэн шүүгч Л.Бямбаа гурван гэрээслэл бичиж үлдээсэн байжээ

More Stories

УИХ-ын дарга Д.Амарбаясгалан: Монгол иргэдийг БНСУ-ын хил дээрээс буцааж буй асуудлыг шийдвэрлэж өгөхийг хүсэж байна

Пүрэв Дашдорж

Монгол Улсын Их Хурлын дарга Д.Амарбаясгалан Бүгд Найрамдах Солонгос Улсын Үндэсний Ассамблейн дарга Ү Вон Шигтай (2025.07.30) албан ёсны уулзалт...

Шөнийн цэнгээний газраар үйлчлүүлэхдээ тус клубийн ажилчдад хутга тулган айлган  сүрдүүлжээ

Пүрэв Дашдорж

Нийслэлийн прокурорын газраас Т, Г нарт холбогдох хэрэгт яллах дүгнэлт үйлдэн Баянгол, Хан-Уул, Сонгинохайрхан дүүргийн эрүүгийн хэргийн анхан шатны тойргийн...