Согтуу эмэгтэй  нөхрөө гурван удаа хутгалжээ

Иргэдээс тус тоотод зодоон болоод байна гэсэн мэдээллийг 01-р сарын 21-ний 01:00 цагт ирүүлжээ. Цагдаагийн бүрэлдэхүүн хэргийн газарт үзлэг шалгалт хийхэд 58 настай “Н”-нь согтуурсан үедээ хувийн таарамжгүй харьцааны улмаас өөрийн нөхөр 57 настай “А” гэгчийг гурван удаа хутгалж амь насыг нь хохироосон байсан аж. Уг хэргийг Баянгол дүүргийн цагдаагийн нэгдүгээр хэлтэс шалгаж байна.

СЭРЭМЖЛҮҮЛЭГ: Иргэн та Сар шинийн баяр болох гэж буйтай холбогдуулан согтууруулах ундааны зүйл хэтрүүлэн хэрэглэхгүй байх, гэр бүлийн хүрээнд архидан согтуурахгүй байхыг анхааруулж байна. Учир нь согтууруулах ундааны зүйл хэтрүүлэн хэрэглэсэн үедээ өөрийн болон бусдын эрхийг зөрчих, амь нас эрүүл мэндээрээ хохирох, санамсар болгоомжгүй үйлдлээс болж гэмт хэрэгт холбогдох тохиолдол буурахгүй байгааг албаныхан сануулсаар байна.