Ойрын таван жилд дэлхий дахинд сэргээгдэх эрчим хүчний үйлдвэрлэл нэмэгдэх төлөвтэй байгаа аж. Тухайлбал, 2017 онд дэлхий нийтийн эрчим хүчний үйлдвэрлэлийн 24 хувийг сэргээгдэх эрчим хүчнээс үйлдвэрлэж байсан бол 2023 онд 30 болох болох төлөвтэй байгаа юм байна. Үүнээс 16 хувийг усны эрчим хүч, зургаан хувийг салхи, дөрвийг нар, гурван хувийг нь био эрчим хүчнээс авах гэнэ. Дэлхийн 48 улс сэргээгдэх эрчим хүчийг халаалт, хөргөлтөнд ашиглаж, 146 улс сэргээгдэх эрчим хүч үйлдвэрлэж, 148 улс үүнийг үндэсний бодлогоор дэмжиж байна. Ингэснээр өнгөрсөн оны байдлаар 10.3 сая иргэд энэ салбарт ажиллаж, нийт эрчим хүчний 26.5 хувийг сэргээгдэх эрчим хүчнээс үйлдвэрлэдэг юм.
2023 он гэхэд БНХАУ-ын эрчим хүчний хэрэглээ дангаараа Европын холбооны хэрэглээнээс давж дэлхийн хамгийн том эрчим хүч хэрэглэгч орон болохыг шинжээчид мөн онцолж байна. Дэлхий дахинд сэргээгдэх эрчим хүчний хөрөнгө оруулалтын хэмжээ 300 тэрбум ам.доллар болжээ. Түүнчлэн дэлхийн эрчим хүчний хангамжийн 28 хувийг сэргээгдэх эрчим хүчний эх үүсвэрээс үйлдвэрлэж байна.
.jpg)
Манай улсын тухайд нийт эрчим хүчний системд сэргээгдэх эрчим хүчний эзлэх хувь 16 болжээ.Өнгөрсөн онд тус салбарт 190 сая ам.долларын хөрөнгө оруулалт хийгдэж, 95 МВт-ын суурилагдсан хүчин чадалтай нар болон салхины эрчим хүчний станцууд баригджээ. Тухайлбал, Замын-үүдэд “ЗҮ Гэгээн” 15 МВт-ын, Хөшигтийн хөндий орчимд 15 МВт-ын, Чойр орчимд 10 МВт-ын Сүмбэр нарны цахилгаан станц болон Сайншанд салхин паркаар систем хүчин чадлаа нэмэгдүүлж байгаа юм. Ингэснээр 2019 онд эрчим хүчний үйлдвэрлэлээс 250 мянган тонн түүхий нүүрсний зарцуулалтыг хэмнэж, 700 мянган тонн нүүрс хүчлийн хийн ялгаруулалтыг бууруулах юм байна.
+ There are no comments
Add yours