Монгол Улсын Ерөнхий сайд У.Хүрэлсүхийн Япон Улсын Ерөнхий сайд Абэ Шинзогийн урилгаар тус улсад хийж буй албан ёсны айлчлал үргэлжилж байна. Тэрбээр өчигдөр /2018.12.12/ Токио хотын Касүмигасэки цогцолборт болсон Монгол-Японы төр, хувийн хэвшлийн 9 дэх удаагийн зөвлөлдөх уулзалтад оролцож, Японы Олон улсын хамтын ажиллагааны банкны /ЖБИК/ ерөнхийлөгч Т.Маэда болон Япон-Монголын найрамдлын нийгэмлэгүүдийн удирдлагуудтай уулзсан.

Хоёр орны худалдаа, хөрөнгө оруулалт, эдийн засгийн хамтын ажиллагааг өргөжүүлэн хөгжүүлэхэд чухал хувь нэмэр оруулж ирсэн Төр, хувийн хэвшлийн зөвлөлдөх уулзалтаар энэ удаад хоёр орны худалдаа, эдийн засгийн хамтын ажиллагааны өнөөгийн байдал, цаашдын хандлага, авч хэрэгжүүлж буй бодлого зохицуулалтын талаар харилцан мэдээлэл солилцож, ажил хэрэгч хэлэлцүүлэг өрнүүлсэн юм.

Тэр дундаа, хөдөө аж ахуй болон хөнгөн үйлдвэрийн бүтээгдэхүүний үйлдвэрлэл, худалдааг нэмэгдүүлэх, энэ чиглэлд хамтарсан төсөл хөтөлбөр хэрэгжүүлэх талаар түлхүү ярьж хэлэлцсэн нь уулзалтын онцлог байв. Уулзалтаар хэлэлцэж тохиролцсон асуудлуудыг хэрэгжүүлж, тодорхой үр дүнд хүрэх чиглэлээр хоёр талын төр, хувийн хэвшлийн байгууллагууд цаашид үргэлжлүүлэнг нягт хамтран ажиллах шаардлагатайг Ерөнхий сайд У.Хүрэлсүх энэ үеэр мэдэгдэж байв. Өнөөдөр Ерөнхий сайд У. Хүрэлсүх Япон улсын Ерөнхий сайд Ш.Абэтэй уулзаж хамтарсан мэдэгдэл гаргах аж.

Leave a Reply

Your email address will not be published. Required fields are marked *

Previous post Нийслэлийн удирдах ажилтны шуурхай зөвлөгөөн боллоо
Next post Халдлагад өртсөн түргэний дөрвөн эмчийн хэргийг прокуророос шалгаж байна

More Stories

УИХ-ын дарга Д.Амарбаясгалан: Монгол иргэдийг БНСУ-ын хил дээрээс буцааж буй асуудлыг шийдвэрлэж өгөхийг хүсэж байна

Пүрэв Дашдорж

Монгол Улсын Их Хурлын дарга Д.Амарбаясгалан Бүгд Найрамдах Солонгос Улсын Үндэсний Ассамблейн дарга Ү Вон Шигтай (2025.07.30) албан ёсны уулзалт...

Шөнийн цэнгээний газраар үйлчлүүлэхдээ тус клубийн ажилчдад хутга тулган айлган  сүрдүүлжээ

Пүрэв Дашдорж

Нийслэлийн прокурорын газраас Т, Г нарт холбогдох хэрэгт яллах дүгнэлт үйлдэн Баянгол, Хан-Уул, Сонгинохайрхан дүүргийн эрүүгийн хэргийн анхан шатны тойргийн...