Өчигдөр Францын Парис хотноо Баллон д’Ор шагналын эзнийг тодруулах үйл ажиллагаа явагдав. Энэ жилийн Баллон д’Ор шагналын эзнээр Испаний Реал Мадрид клуб болон Хорватын шигшээ багийн 33 настай хагас хамгаалагч Л.Модрич шалгарсан байна. Ингэснээр 11 жилийн дараа анх удаагаа К.Роналдо болон Л.Месси нараас өөр тоглогч тус шагналын эзэн болж байна. Хамгийн сүүлд 2007 оны Баллон д’Ор шагналын эзнээр тухайн үедээ Италийн АС Милан клубт хүчин зүтгэж байсан Бразил хөлбөмбөгчин Кака шалгарч байсан бөгөөд түүнээс хойш зөвхөн 2 тоглогч тус шагналыг хүртэж байжээ.

Өдгөө 33 настай Л.Модрич 753 хүний санал авсан бол К.Роналдо 478 оноо, А.Гризманн 414 оноогоор эхний 3-т бичигдсэн байна.

Хорват хагас хамгаалагч Л.Модрич өнгөрч буй 2018 онд шигшээ багийнхаа хамтаар ДАШТ-нд мөнгөн медаль хүртэж, Реал Мадрид клубын хамт Аваргуудын лигт 4 дэх удаагаа түрүүлсэн юм.

БАЛЛОН Д’ОР ШАГНАЛД НЭР ДЭВШИГЧИД:

  1. Л.Модрич (Хорват, Реал Мадрид клуб) – 753 оноо
  2. К.Роналдо (Португал, Реал Мадрид болон Ювентус клуб) – 478 оноо
  3. А.Гризманн (Франц, Атлетико Мадрид клуб) – 414 оноо
  4. К.Мбаппе (Франц, ПСЖ клуб) – 347 оноо
  5. Л.Месси (Аргентин, Барселона клуб) – 280 оноо
  6. М.Салах (Египет, Ливерпүүл клуб) – 188 оноо
  7. Р.Варан (Франц, Реал Мадрид клуб) – 121 оноо
  8. Э.Азар (Бельги, Челси клуб) – 119 оноо
  9. Де Бройне (Бельги, Манчестер Сити клуб) – 29 оноо
  10. Х.Кейн (Англи, Тоттенхэм Хотспур клуб) – 25 оноо

Leave a Reply

Your email address will not be published. Required fields are marked *

Previous post Япон улс давшилтын зэвсэглэлийн армитай болно
Next post Ч.Раднаабазар: Тусгай хамгаалалттай газарт олгосон 65 зөвшөөрлийг цуцалсан

More Stories

Монгол Улсын Ерөнхийлөгч У.Хүрэлсүх баруун бүсийн тулгуур төв Ховд аймгийн иргэдтэй уулзлаа

Пүрэв Дашдорж

Монгол Улсын Ерөнхийлөгч Ухнаагийн Хүрэлсүх баруун бүсийн тулгуур төв Ховд аймагт ажиллаж байна. Ерөнхийлөгчийг Ард Аюушийн талбайд хүрэлцэн ирэхэд Ховд...

Монгол хэл бичгийн шалгалтыг цахимаар зохион байгуулахыг түр хугацаанд хэрэгжүүлэхгүй байхаар шийдвэрлэжээ

Пүрэв Дашдорж

Монгол Улсын хэмжээнд их, дээд сургууль, коллежид элсэгчдийн эх хэлний боловсролын чанар, хэрэглээ, иргэдийн харилцааны соёл, эх хэлний дархлааны түвшнийг...