Өнгөрсөн 11 дүгээр сард Монгол Улсын эдийн засгийн идэвхжил саарсантай холбоотойгоор борлуулалтын менежерүүдийн индекс огцом буурсан гэж “World Economics” байгууллага мэдээллээ. 2018 он гарснаас хойш зургаан сар дараалан өсөөд байсан энэхүү индекс сүүлийн таван сарын турш унахад бизнесийн итгэл буурсан нь голлон нөлөөлсөн гэж тус байгууллага үзэж байгаа юм. Мөн бараа, бүтээгдэхүүний үнэ нэмэгдэж байгаа нь энэхүү индекст сөргөөр нөлөөлсөн байна. Тухайлбал, шатахуун, цахилгаан, хүнсний үнэ огцом нэмэгдсэн нь Монгол Улсын эдийн засгийн идэвхжил саарахад нөлөөлсөн гэж “World Economics” дүгнэжээ. Харин БНХАУ нүүрсний импортоо хязгаарласан нь төдийлөн нөлөөлөөгүй гэдгийг тайландаа онцолсон байна.

“Монгол Улсын эдийн засгийн идэвхжил буурсан нь богино хугацааны өөрчлөлт. Харин урт хугацаагаар авч үзвэл эдийн засаг эрчимжиж, шинэ ажлын байр нэмэгдэж байгаа нь эерэг үзүүлэлт” гэдгийг тайландаа дурджээ. Өөрөөр хэлбэл Монгол Улсын борлуулалтын менежерүүдийн индекс сүүлийн таван сар дараалан унасан ч өсөлтийн бүсэд хадгалагдсаар байгаа юм. Тодруулбал, Монгол Улсын борлуулалтын менежерүүдийн индекс 50 нэгжээс дээш байгааг ажээ.

Борлуулалтын менежерүүдийн индекс буурахад өмнөд хөршийн мөнгөн тэмдэгт юанийн ханш энэ онд төгрөгийн эсрэг чангарч, сүүлийн 10 жил гаруйн дээд түвшинд хүрээд байгаа нь нөлөөлжээ. Энэ нь бизнес эрхлэгчдэд хүнд дарамт болсныг “World Economics” байгууллага тайландаа онцолсон байна. Мөн БНХАУ-ын эдийн засаг худалдааны маргаанаас үүдэн удааширсан нь Монгол Улсын эдийн засагт нөлөөлж байгаа гэж үзсэн байна.

Leave a Reply

Your email address will not be published. Required fields are marked *

Previous post Сайжруулсан түлшний үйлдвэрт 10 га газар олгожээ
Next post Гүржийн шинэ Ерөнхийлөгч Саломе Зурабишвили гэж хэн бэ?

More Stories

Монгол Улсын Их Хурлын дарга  Н.Учрал ХКН-ын төв хорооны улс төрийн товчооны байнгын хорооны гишүүн ЖАҮ ЛӨЖИ-тэй уулзав 

Пүрэв Дашдорж

Монгол Ардын намын дарга, Монгол Улсын Их Хурлын дарга  Н.Учрал ХКН-ын урилгаар 2026 оны гуравдугаар сарын 22-24-нд БНХАУ-д айлчилж байна. ...