Замын цагдаагийн албаны Жижүүрийн шуурхай удирдлагын хэлтэст өчигдөр 301 дуудлага бүртгэгдсэний зэрэгцээ 31 иргэн согтуугаар тээврийн хэрэгсэл жолоодож яваад саатуулагджээ.
Мөн дараах зам тээврийн осол гарсан байна. Тодруулбал, Хан-Уул дүүргийн “Хурд” хорооллын байрны урд замд “Toyota Sai” маркийн автомашины жолооч Б нь “Toyota Prius” автомашинтай мөргөлджээ.
Чингэлтэй дүүргийн 57-р сургуулийн урд замаар “Toyota Prius” маркийн автомашины жолооч Б нь явж байхдаа явган зорчигч Д-г мөргөж гэмтээсэн хэрэг гарсан байна. Тус хэргийг Чингэлтэй дүүргийн замын цагдаагийн хэлтэс шалгаж байгаа аж.
С.Номин
+ There are no comments
Add yours