ЭЛЭГНИЙ В,С ВИРУСЫН ШИНЖИЛГЭЭНД 65-ААС ДЭЭШ НАСНЫ ИРГЭД ХАМРАХААР БОЛЛОО

ЭЛЭГНИЙ В,С ВИРУСЫН ШИНЖИЛГЭЭНД 65-ААС ДЭЭШ НАСНЫ ИРГЭД ХАМРАХААР БОЛЛОО
 “Элэг бүтэн Монгол хөтөлбөр”-ийг санаачлагч Оном сангаас элэгний өвчлөл өндөртэй бүс нутгийн 65-аас дээш настай иргэдийг В, С вирусын илрүүлэх шинжилгээнд үнэ төлбөргүй хамруулах талаар өнөөдөр сэтгүүлчдэд мэдээлэл өглөө.
Монгол Улсын Засгийн газраас “Элэг бүтэн Монгол” үндэсний хөтөлбөрийн эрт илрүүлэлтийн аяныг орон даяар хэрэгжүүлэхдээ 40-65 насны иргэдийг элэгний В, С вирусын халдвар илрүүлэх шинжилгээнд үнэ төлбөргүй хамруулахаар болсон юм.

“Элэгний төв” лабораторийн Ерөнхий менежер С.Хишигтогтох “Өндөр настнуудын дунд элэгний вирусын халдварын тархалт хамгийн өндөр байгаа нь мэргэжлийн эмч эрдэмтдийн хийсэн судалгаагаар нотлогдсон. Тиймээс 65-аас дээш насны азай буурлуудыг элэгний эмгэг өвчлөл, вируст хепатитын халдвараас хамгаалах эрүүл мэндийн бодлогын гадна орхигдуулж болохгүй гэсэн үүднээс Монголын эмч нарын нийгэмлэг, Оном сан, Монголын гастроэнтерологийн холбоо хамтран элэгний өвчлөл хамгийн өндөр Сүхбаатар, Дорнод, Дундговь, Увс, Булган, Говь-Алтай, Баянхонгор, Өмнөговь, Хөвсгөл аймгийн 65-аас дээш насны иргэдийг вирусын халдвар илрүүлэх шинжилгээнд бүрэн хамруулах  хоёр сарын аяныг маргаашнаас эхлэн аймгийн нэгдсэн эмнэлэг, өрх, сумын эмнэлгээр дамжуулан зохион байгуулна” гэв.

Түүнчлэн энэ хүрээнд Улаанбаатар хотын 65-аас дээш нaсны иргэдийг вирусын халдвар илрүүлэх шинжилгээнд бүрэн хамруулах ажлыг “Элэгний төв” лабораториор дамжуулан хийх болсныг мэдэгдэв.

Нийслэлийн 65-аас дээш насны ахмадууд “Элэгний төв” лабораторид маргааш өглөө 8:30-17:00 цагийн хооронд ЭМД, иргэний үнэмлэхтэйгээ ирж шинжилгээнд үнэгүй хамрах боломжтой ажээ.

Д.Думаа

Leave a Reply

Your email address will not be published.

Эх, нярай эмэгтэйчүүдийн төв “Молекул биологийн шинэ лаборатор”-ийн нээлт хийв

Эх, нярай эмэгтэйчүүдийн төв “Молекул биологийн шинэ лаборатор”-ийн нээлт хийв

Өнөөдөр буюу 2022 оны 09 дүгээр сарын 29-нд Эх, нярай эмэгтэйчүүдийн үндэсний төв Молекул биологийн шинэ лабораторийн нээлтээ хийв. Тус үйл ажиллагаанд ЭМЯ-ны Төрийн захиргааны...