ОЛОН УЛСЫН СКАУТУУД МОНГОЛД ЦУГЛАНА

ОЛОН УЛСЫН СКАУТУУД МОНГОЛД ЦУГЛАНА
 Ази, Номхон далайн бүсийн 31 дүгээр Жембор буюу олон улсын скаутуудын майхан зуслангийн арга хэмжээ энэ сарын 27-ноос ирэх сарын хоёрны өдрүүдэд Олон улсын хүүхдийн “Найрамдал” цогцолборт болох ажээ.
2012 онд Бангладеш хотод болсон 30 дугаар Жемборийн үеэр манай улс уг үйл ажиллагааг зохион байгуулах эрхийг авчээ. Өнгөрсөн жил тус арга хэмжээг Монгол Улсад болох томоохон үйл ажиллагааны жагсаалтад оруулж, тогтоол баталсан. Үүний дагуу Ерөнхий сайдын захирамжаар Жембори зохион байгуулах Үндэсний хороо байгуулж, даргаар нь Хөдөлмөр нийгмийн хамгааллын сайд Н.Номтойбаяр, дэд даргаар нийслэлийн Засаг дарга С.Батболд нарыг томилсон байна.

Монгол Улсыг гадаадад сурталчлах, аялал жуулчлалыг дэмжихэд чухал ач холбогдолтой арга хэмжээ учраас Засгийн газраас тодорхой санхүүжилт гаргаж байгаа аж. Жемборид гадаадын 50 гаруй орны 2000, манай улсын 21 аймаг, 9 дүүргийн 4000 гаруй хүүхэд, залуучууд, 1500 зохион байгуулагч, гадаад, дотоодын зочид төлөөлөгч оролцох ажээ.

Д.Думаа

Leave a Reply

Your email address will not be published.