Таван толгой компанийн хувьцаа 11.61 хувиар өслөө

 Хөрөнгийн биржийн өнөөдрийн арилжаагаар “I”, “II, “III” ангилалд бүртгэлтэй 28 компанийн 64 312 ширхэг хувьцаа арилжсанаас 10  компанийн хувьцааны ханш өсөв.

Найман компанийн хувьцааны ханш буурсан  бол 10  компанийн хувьцааны ханш тогтвортой байлаа. Тодруулбал “Таван толгой”  компанийн хувьцааны ханш хамгийн өндөр буюу 11.61 хувиар өссөн бол “Монгол шевро” компанийн ханш хамгийн өндөр буюу 10.44 хувиар уналаа.

Засгийн газрын анхдагч зах зээлийн арилжаагаар нийт 370 мянган ширхэг үнэт цаас 34.3 тэрбум төгрөгөөр арилжсан бол хоёрдогч зах зээлийн арилжаагаар 614 ширхэг үнэт цаас 58 сая 348 420 төгрөгөөр арилжсан байна. Мөн өдөр “MSE ALL” индекс 843.38 нэгж болж 0.52 хувиар буурчээ.

+ There are no comments

Add yours