Автомашины татвараа хугацаандаа төлөхгүй бол хөдөлгөөнд оролцуулахгүй

 Автомашины улсын дугаар нь 3, 8-аар төгссөн жолооч нар энэ сард багтаан татвараа төлөх үүрэг хүлээж байгаа юм.

Автомашины татвар хураалттай холбогдуулан нийслэлийн нэг цэгийн үйлчилгээ “Мишээл” төвд явуулын оношлогоо, үзлэгийн төв ажиллаж буй. Явуулын оношлогоо нь ирэх тавдугаар сарыг дуустал ажиллах бөгөөд жолооч та Улаанбаатар банкны салбарт мөнгөө тушаан татвараа төлөөд, автомашинаа оношлуулах боломж нээлттэй.

Мөн өөрт ойр байрлах үзлэг, оношлогоо хийж байгаа болон татвар хурааж буй салбарууд дээр дүүрэг харьяалал харгалзахгүйгээр тушаах боломжтой.

Тухайлбал, Нийслэлийн үйлчилгээний нэгдсэн төв “Мишээл экспо”, “Драгон”, “Дүнжингарав” салбарууд болон дүүргүүдийн татварын хэлтэс, техникийн үзлэг хяналтын Баянгол, Баянзүрх, Сонгинохайрхан төвөөр үйлчлүүлэх боломжтой юм байна.

Хэрвээ цаг хугацаандаа багтаан татвараа төлөхгүй бол тээврийн хэрэгслийг хөдөлгөөнд оролцуулахгүй болохыг холбогдох албаныхан өчигдөр мэдэгдээд байна.

эх сурвалж: Татварын ерөнхий газар

+ There are no comments

Add yours