Коронавирусийн халдварын 50 тохиолдол нэмж бүртгэгджээ.
Эрүүл мэндийн яам, Халдварт өвчин судлалын үндэсний төвөөс коронавирусийн халдварын нөхцөл байдлын талаар мэдээлэл хийлээ. Сүүлийн 24 цагийн дотор 12252 хүнд шинжилгээ хийхэд 50 хүнээс коронавирус илэрчээ. Энэ 50 тохиолдол нь бүгд Улаанбаатар хотод бүртгэгдсэн бөгөөд бүгд өмнөх тохиолдлуудын ойрын хавьтал юм байна.
Одоогийн байдлаар 567 хүн коронавирусийн халдвараа эмчлүүлж байна. Үүнээс биеийн байдал нь маш хүнд нэг, хүнд тав, хүндэвтэр 77 байгаа гэдгийг Халдварт өвчин судлалын үндэсний төвөөс мэдээллээ.
+ There are no comments
Add yours