УИХ-ын чуулганы хуралдаанаар яаралтай тусламжийн зээлийн хэлэлцээрийг соёрхон батлах хуулийн төслийг хэлэлцэн баталлаа. Тодруулбал, “Монгол Улсын Засгийн газар, Японы олон улсын хамтын ажиллагааны байгууллага хоорондын “Ковид-19 цар тахлын эсрэг хариу арга хэмжээний яаралтай тусламжийн зээл”-ийн Зээлийн хэлэлцээрийг соёрхон батлах тухай хуулийн төслийг хэлэлцэв.
Энэхүү яаралтай тусламжийн зээлийг цар тахлын үед
- эдийн засгийг идэвхжүүлэх,
- нийгмийн эрүүл мэндийг хамгаалах,
- иргэдийн амьжиргааг дэмжих, орлогыг хамгаалах,
- нийгмийн хамгааллын арга хэмжээнүүдийг хэрэгжүүлэхэд дэмжлэг үзүүлж, төсвийн зарлагыг санхүүжүүлэхэд зарцуулах юм.
Японы талаас 25 тэрбум иен буюу ойролцоогоор 233 сая ам.долларын яаралтай тусламжийн санхүүжилтийг олгоно. Зээлийн эргэн төлөгдөх хугацаа 15 жил, үндсэн төлбөрөөс чөлөөлөгдөх хугацаа дөрвөн жил, зээлийн хүү жилийн 0.01 хувь, санхүүжилтийг ашиглах хугацаа нэг жил байх юм
+ There are no comments
Add yours