Сураггүй алга болсон эмэгтэйн цогцсыг шатааж, жалганд хаясан хэрэгт хамтран амьдрагчийг нь шалгаж байна.

Цагдаагийн ерөнхий газраас өгсөн мэдээллээр, 2020 оны наймдугаар сарын 7-ны өдөр 54 настай эмэгтэй Баянгол дүүргийн нутаг дэвсгэр өөрийн оршин суух газраас алга боллоо гэж түүний ар гэрийнхэн есдүгээр сарын 11-ний өдөр цагдаагийн байгууллагад буюу Баянгол дүүргийн Цагдаагийн газрын хоёрдугаар хэлтэст тэмдэглүүлсэн байна.

Мэдээллийн дагуу хороо хариуцсан хэсгийн байцаагч эрэн сурвалжлах ажлыг улсын хэмжээнд зарлан ажиллаж, амь хохирогч эмэгтэйн цогцсыг энэ сарын 18-ны өдөр Сонгинохайрхан дүүргийн 33 дугаар хороо Тахилтын жалганаас шатсан байдалтайгаар олжээ.

Одоогоор уг гэмт хэргийг үйлдсэн байж болзошгүй түүний хамтран амьдрагч 40 настай “Н”-г холбогдуулан цагдан хорьж, мөрдөн шалгах ажиллагааг явуулж байна.

Эх сурвалжийн хэлснээр, талийгаач болон хэргийн холбогдогч нар 2007 оноос хойш хамтран амьдарсан аж.

Сэтгэгдэл үлдээх

Leave a Reply

Your email address will not be published.

Confirm that you are not a bot - select a man with raised hand:

This site uses Akismet to reduce spam. Learn how your comment data is processed.