Төсвийн байнгын хорооны өнөөдрийн хуралдаанаар Засгийн газрын 2020-2024 оны үйл ажиллагааны хөтөлбөр болон Монгол Улсыг 2021-2025 онд хөгжүүлэх таван жилийн үндсэн чиглэлийг батлах тухай УИХ-ын тогтоолын төслийг хэлэлцсэн юм.

Энэ үеэр УИХ-ын гишүүн Ц.Анандбазар нефть боловсруулах үйлдвэрийг амжилттай хэрэгжүүлэхийн тулд шинжлэх ухааны хүрээлэн, академийн дайтай газрыг байгуулах шаардлагатай гэж үзэж байгаагаа илэрхийлэв. Тэрбээр “Нефтийн үйлдвэрийн төсөл дээр харагдаагүй маш олон зөрчил дутагдал байгаа. Манай улсад нефтийн үйлдвэрийг иж бүрнээр нь мэддэг нэг ч мэргэжилтэн байхгүй шүү.

Тиймээс гарч ирэх хүндрэлүүдийг шийдэхийн тулд шинжлэх ухааны хүрээлэн, академийн хэмжээтэй, Ерөнхий сайд эсвэл Шадар сайдын дор, хяналтын шатны, асар нарийн бүтэц орон тоотой удирдах байгууллага байгуулж байж энэ үйлдвэр явна. Та бүхэн шүдний чигчлүүр хийх гэж байгаа мэт бодоод байх шиг байна. Ингэж зүйрлэсэнд уулаарай, энэ бол бодит байдал.

Энэ байгууллагыг байгуулахгүй бол манай намын мөрийн хөтөлбөр бүтэхгүй. Нефть боловсруулах үйлдвэрийг удирдлагын түвшинд бүтцийн өөрчлөлт гаргах хэрэгтэй. Ингэж байж үйлдвэр маань цаашдаа явна. Засгийн газар нарийн яримаар санагдаж байна” гэлээ.

Сэтгэгдэл үлдээх

Leave a Reply

Your email address will not be published.

Confirm that you are not a bot - select a man with raised hand:

This site uses Akismet to reduce spam. Learn how your comment data is processed.