Нэгдүгээр ангийн сурагчдыг 28-ны өдрийг хүртэл цахимаар бүртгэнэ

Шинэ хичээлийн жилд нэгдүгээр ангид элсэгчдийн цахим бүртгэл маргааш эхэлнэ. Харин элсэгчдийн цахим бүртгэл энэ сарын 28-ны 17:00 цагт хаагдахыг албаныхан мэдээлсэн байна. 2014 оны нэгдүгээр сарын 1-нээс 12 дугаар сарын 31-ний хооронд төрсөн хүүхдүүдийг бүртгэх бөгөөд цахим элсэлтийн хүсэлтийг зөвхөн нэг удаа гаргана. Эцэг, эхчүүд хүүхдээ цахим бүртгэлд бүртгүүлэхдээ www.parent.edu.mn вэб сайтад хандана уу. Харин бичиг баримтын зөрчилтэй, оршин суугаа хаягаасаа шилжсэн хүүхдийг наймдугаар сарын 24-28-нд ажлын цагаар элсэх боломжтой сургуульд нь уламжлалт аргаар буюу сургууль дээр нь очиж бүртгүүлнэ.