Машинаар дайраад цогцсыг нь гудманд үлдээгээд зугтжээ

Мөрч

Энэ сарын 17-нд Өмнөговь аймгийн Цогтцэцийн төвд бетон зуурмагийн үйлдвэрийн сахиулаар ажиллаж байсан, Дорноговийн харьяат Б гэх хүн бусдад харамсалтайгаар амиа алджээ. Хэргийг тодруулбал:

“Халамцуу хүн гудамжинд унтаж байна” хэмээх дуудлагын дагуу тус аймгийн цагдаагийн алба хаагчид шалгалтыг хийхэд, тэрбээр гаднын нөлөөтэй амиа алдсан нь тогтоогдсон байна. Цогцост үзлэг хийсэн шүүх шинжээчид, хохирогчийн бие хэд хэдэн газраа шалбарч, зулгарсан, биеийн зарим яс нь хугарч дотор эрхтэн гэмтсэн хэмээх дүгнэлтийг гаргажээ. Иймд Өмнөговь аймгийн цагдаагийн газрынхан нарийвчилсан шалгалтыг хийж, хохирогчийг хөнөөсөн байж болзошгүй иргэнийг олж тогтоосон аж. Цогтцэцийн сумын харьяат А гэх эр машинаа ухрааж байхдаа хохирогчийг мөргөж, амийг нь хөнөөгөөд улмаар тухайн үед гудамжинд халамцуу явсан хоёр иргэнд үлдээгээд зугтсаныг тус аймгийн цагдаагийн газарт үргэлжлүүлэн шалгаж байна.

Эх сурвалж: Өнөөдөр сонин

Сэтгэгдэл үлдээх

Холбоотой мэдээлэл