Японы эрэгт хөл хорионы дэглэмд байгаа “Diamond Princess” аяллын хөлгөөс ОХУ-ын хоёр иргэн шинэ коронавирусийн халдвар авсан нь өнөөдөр тогтоогджээ.
Халдвар авсан хоёр хүнийг хөлгөөс буулгаж, эмнэлэгт хүргэх гэж байгааг Токио дахь ОХУ-ын элчин сайдын яам сошиал хуудсандаа мэдээлсэн байна.
Ингэснээр тус хөлөг дээрээс Covid-19 вирусийн халдвар авсан ОХУ-ын иргэдийн тоо гурав болж нэмэгджээ. Хоёр хоногийн өмнө “Diamond Princess” хөлгийн зорчигч эмэгтэй халдвар авсан нь тогтоогдож, Оросын иргэдээс анхны тохиолдол болж байв.
Өмнө нь ОХУ-ын нутаг дэвсгэрт халдварын хоёр тохиолдол илрээд байсан нь хоёул Хятадын жуулчид байжээ.
Эх сурвалж: Reuters
+ There are no comments
Add yours