Тээврийн цагдаагийн албаны жижүүрийн шуурхай удирдлагын хэлтэс өчигдөр нийт 205 дуудлага мэдээлэл хүлээн авснаас 152 зам тээврийн ослын шинжтэй дуудлага мэдээлэл бүртгэгдсэн байна. Зам тээврийн ослын улмаас гурван хүн бэртэж, орон нутагт нэг хүний амь нас хохирчээ.
Өчигдрийн 17.20 цагийн орчимд Дундговь аймгийн Адаацаг сумын дөрөвдүгээр баг Улаан-Уул гэх газар шороон замд “Dayun” маркийн мотоцикль онхолдож, жолооч 33 настай эрэгтэй Ж нас баржээ. Хяналт шалгалтын үеэр согтуугаар тээврийн хэрэгсэл жолоодсон арван жолоочийг илрүүлж хуулийн дагуу хариуцлага тооцсон байна.
+ There are no comments
Add yours