Парисын гэгээн Майкл Апутит болон Ерөнхийлөгч Эмануэль Макрон нар галыг унтраахаар холбогдох байгууллагууд ажиллаж байгааг онцлоод, франц хүн бүр галд гарсанд сэтгэл зовниж, сэтгэгдлээ илэрхийлж, нэгэн сүсэг бишрэлээр нэгдэж байгааг хэлсэн байна.
ШУУД БИЧЛЭГ ҮЗЭХ
https://www.facebook.com/murch.mn/videos/1347088745442938/
Тэр дундаа Ерөнхийлөгч Макрон энэ үйл явдлыг туйлын эмгэнэлт зүйл тохиолдлоо хэмээн харамсаж буйгаа илэрхийлээд бүх иргэдийн итгэл үндэсний бахархал болсон сүмээ маш хурдан хугацаанд сэргээн засварлах ажлыг хийнэ хэмээн хэлжээ.
Парисын Дарь Эхийн сүмийн ойр орчмын гудамж талбайд иргэд цугларан галыг унтраах үйл яьцыг ажиглахын зэрэгцээ тэд түүхийн дурсгалт сүмийг шатаж байгааг харан нулимсаа барьж чадахгүй байсан талаар олон улсын хэвлэлүүд мэдээллэж байна.
Тухайн үед сүм дотор сэргээн засварлах ажил явагдаж байсан нь гал гарах гол шалтгаан болсон гэж таамаглаж байна.
Сүмийн ойр орчмын барилгуудаас хүмүүсийг нүүлгэж, ойролцоох гудамж, метроны өртөөг хаажээ. Түймрийг усаар унтраах үед сүмийн чулуун байгууламжууд усыг шингээж, хүндэрснээс нурах аюул үүсэх магадлалтайг мэргэжилтнүүд анхааруулж байна.
Парисын Дарь эхийн сүм нь жилд 13 сая жуулчин хүлээж авдаг бөгөөд энэ үзүүлэлтээрээ Эйфелийн цамхагийг давдаг байна.
19 дүгээр зуунд Францын нэрт зохиолч Виктор Хюго “Парисын Дарь эхийн сүм” алдарт романдаа сүмийн ур хийц, бүтцийн талаар маш дэлгэрэнгүй бичсэн нь тухайн үед Парист моодноос гараад байсан Готик хэв маягийн уг сүмийг дахин олны анхаарлын төвд оруулж байжээ.
+ There are no comments
Add yours