Уул уурхайн аварга компани Рио Тинто өнөөдөр улс орнуудын засгийн газарт 2017 онд төлсөн татварын мэдээллээ дэлгэрэнгүй танилцуулжээ.

Тус компани 2017 онд татвар, рояалтид нийтдээ $5.1 тэрбумыг төлсөн нь 2016 оны $4 тэрбумаас өссөн үзүүлэлт болсон байна.

Уг татварын ихэнхийг Австралийн засгийн газарт төлжээ. Рио Тинто 2017 оны санхүүгийн жилд Австралид $1.2 тэрбумын татвар төлөх бол Канадад $387 сая, Монголд $228 сая, Өмнөд Африкт $93 сая, Их Британид $81 сая, АНУ-д $78 саяыг төлөх гэнэ.

“Манай төлсөн татвар, хураамж Рио Тинтогийн үйл ажиллагаа явуулж байгаа улс орнуудын төсөвт чухал тус дэм болдгийг тайлангаас харж болно” гэж тус компанийн санхүү эрхэлсэн дэд захирал Крис Линч мэдэгдэлд өгүүлжээ.

Рио Тинтогийн татварын тал орчим нь ашгийн татвар бол үлдсэн хэсэг нь засгийн газрын рояалти, ажил олгогчоос төлдөг бусад татварууд болдог байна.

Мөн Линч улс орнуудын татварын хөнгөлөлтийн бодлого шинэ төслүүд эхлүүлэхэд чухал дэмжлэг болдгийг хэлээд АНУ-ын бизнесийн ашгийн татвар 35 хувиас 21 хувь болсныг сайшаан дурджээ.

Тус компани одоо Австрали улсын засгийн газартай татварын хувийг бууруулах талаар хэлэлцэж байгаа гэнэ.

 

Эх сурвалж: Mining Weekly

 

Сэтгэгдэл үлдээх

Leave a Reply

Your email address will not be published.

Confirm that you are not a bot - select a man with raised hand:

This site uses Akismet to reduce spam. Learn how your comment data is processed.