Өвөрхангай аймгийн Арвайхээр сумын 4-р багийн нутаг дэвсгэрээс 2018 оны хоёрдугаар сарын 12-ны өдөр 3.400 грамм жинтэй, 53 см урттай эмэгтэй нярайн цогцос олджээ.
Хүүхдээ төрүүлээд хаясан эмэгтэйг Өвөрхангай аймгийн цагдаагийн хэлтсээс одоо хүртэл эрэн сурвалжилж байгаа бөгөөд дээрх эмэгтэй нь жирэмсэн байх хугацаандаа эмчийн хяналтад оролгүй явсаар эмнэлгийн бус орчинд төрсөн байх магадлалтай ажээ.
Иймд хэргийн тухай бодит үнэн мэдээлэл өгсөн иргэнийг Цагдаагийн албаны тухай хуулийн 39 дүгээр зүйл, Гэмт хэргээс урьдчилан сэргийлэх тухай хуулийн 14 дүгээр зүйлд заасны дагуу 5.000.000 хүртэлх төгрөгөөр урамшуулж өндөр нууцлал дор мэдээллийг худалдан авах юм байна.
+ There are no comments
Add yours