Завхан аймаг зуданд 8000 гаруй малаа алджээ

ЦУОШГ-аас гаргасан урьдчилсан мэдээгээр энэ өвөл нийт нутгийн 40 хувь зуд нүүрлэж болзошгүй хэмээн анхааруулсан. Өнөөдрийн байдлаар 19 аймагт өвөлжилт хүндэрч болзошгүй байдалд орж, ихэнх нутгаар хүйтний эрч чангарчээ. Баруун бүсийн төвийн захирагч, Ховд аймгийн Онцгой байдлын газрын дарга Б.Алтанбадралтын хэлснээр Завхан аймгийн 12, Говь-Алтай аймгийн 18, Баян-Өлгий аймгийн 8 сум өвөлжилт хүндэрсэн байна. Өвөлжилт хүндэрснээс зуд нүүрлэж Завхан аймагт 8000 гаруй мал хорогдсон мэдээ байна.