Чингис хааны хөшөөнд хүндэтгэл үзүүллээ

Үндэсний эрх чөлөө, тусгаар тогтнолоо сэргээн мандуулсны 106 жилийн ойг тохиолдуулан Монгол Улсын Ерөнхийлөгч Х.Батулга, УИХ-ын дарга М.Энхболд, Ерөнхий сайд У.Хүрэлсүх,Үндсэн хуулийн цэцийн дарга Д.Одбаяр нар Чингис хааны хөшөөнд хүндэтгэл үзүүллээ. Хүндэтгэлийн ёслолд мөн УИХ, Засгийн газрын гишүүдийн төлөөлөл оролцсон юм. Ёслолын үеэр Сүхбаатарын талбайд Төрийн далбаа мандуулан хүндэт харуул жагсч, үлээвэр найрал хөгжим хүндэтгэлийн марш эгшиглүүлэв.