Анне франкийн тэмдэглэлээр комик гаргажээ

Анне Франк бол нацистуудын гарт амиа алдсан нэг сая гаруй еврей хүүхдийн нэг. Китти нэртэй түүний өдрийн тэмдэглэл өнөө цагт дэлхий дээрх хамгийн их уншигдсан номын нэг болсон билээ. 15-хан  настай охины тэмдэглэлийг дэлхийн өнцөг булан бүрд хүмүүс уншиж, Холливуудын продюсерууд түүний тэмдэглэлээс сэдэвлэн кино хийн, Бродвейн театрт жүжиг хүртэл тавьсан билээ.

“Китти” нэртэй өдрийн тэмдэглэл саяхнаас комик ном хэлбэрээр уншигчдад хүрчээ. Оскарын шагналд нэр дэвшиж байсан “Waltz with Bashir” хэмээх дайны сэдэвт баримтат анимейшны продюсерууд энэ төсөл дээр ажиллажээ.

Тиймээс өдрийн тэмдэглэлд бичигдсэн үйл явдлуудыг уншигчид зурган номоос харах боломжтой болжээ.

Анне Франкийн өдрийн тэмдэглэлийг ном болгон хэвлүүлсэн зохиолчидтой хамтран анимейторууд Анне Франк болон түүний гэр бүлийнхэн яаж нацистуудаас нуугдаж амьдарч байсан тухай түүхийг зургаар өгүүлсэн юм.

Еврей охины өдрийн тэмдэглэлд тэд бараг хоёр жил шахуу харанхуй, чийгтэй байшингийн хонгилд амьдарч буй тухай өгүүлдэг. Гэвч охиныг гэр бүлийнхний нь хамтаар нацистууд олж хөнөөсөн билээ.

Еврей охины улаан хавтастай өдрийн тэмдэглэл тэдний нуугдаж байсан байшингийн хонгилоос олдож, энэ эмгэнэлт түүхийг дэлхий нийтэд дэлгэсэн юм.

Комик номын зохиогчид энэ түүхийг хүн бүхний мэдэх хамгийн ойлгомжтой зурган хэлээр өгүүлэхийг зорьсон гэжээ.

Герман болон Нидерландад аль хэдийн хэвлэгдсэн комик номын англи хэл дээрх хувилбар 2018 онд Их Британи, АНУ-д худалдаанд гарах юм байна.

Харин анимейшн кино нь 2019 онд дэлгэцэнд гарах ажээ.

+ There are no comments

Add yours