“Хөдөө аж ахуйн бирж” -ээс 42.5 сая төгрөгний зөрчил илэрчээ

“Хөдөө аж ахуйн бирж” -ээс 42.5 сая төгрөгний зөрчил илэрчээ

Төрийн өмчийн бодлого, зохицуулалтын газраас “Хөдөө аж ахуйн бирж” компанийн 2015-2016 оны үйлдвэрлэл, санхүү, эдийн засгийн үйл ажиллагаанд шалгалт хийжээ.
Тус компани 2015 онд 1 тэрбум, 2016 онд 191 сая төгрөгийн алдагдалтай ажилласан байна. Мөн иргэдтэй эрх бүхий байгууллагын зөвшөөрөлгүй 1 тэрбум 42 сая төгрөгийн үр ашиггүй гэрээ байгуулан, төрийн болон орон нутгийн хөрөнгөөр бараа, ажил үйлчилгээ худалдан авах тухай хууль, холбогдох журмыг зөрчин 849,9 сая төгрөгийн худалдан авалт хийн компанийн үйл ажиллагаанд хамааралгүй 42,5 сая төгрөгийн үргүй зардал гаргасан нь тогтоогджээ.
Мөн хувьцааны нэмэлт орлогоос 537,8 сая төгрөгийг өөр зүйлд зарцуулан, “Булган брокерын пүүс” компанитай байгуулсан гэрээ хэрэгжээгүй байхад 42,1 сая төгрөгийг шилжүүлсэн зэрэг нийт 2 тэрбум 538,9 сая төгрөгийн зөрчил, дутагдал илэрсэн байна.

Дээрх зөрчил, дутагдлыг нэн даруй арилгаж, биелэлтийг энэ оны есдүгээр сарын 15-ны дотор ТӨБЗГ-т ирүүлэхийг үүрэг болгосон байна.
Г.Намуун

Leave a Reply

Your email address will not be published.

This site uses Akismet to reduce spam. Learn how your comment data is processed.