Авлигатай тэмцэх газрын судалгаа шинжилгээний албанаас энэ сарын 08-12-ны өдрүүдэд 1800-1969 тусгай дугаарт ирүүлсэн гомдол мэдээлэлд дахин дүн шинжилгээ хийсэн байна.  Энэ хугацаанд нийт 31 өргөдөл, гомдол, мэдээлэл хүлээн авчээ.

Гомдол, мэдээлэл нь агуулгын хувьд 14 нь ашиг сонирхлын зөрчилтэй гэх, 6 нь төрийн байгууллагын ёс зүй, хүнд суртал, удирдах ажилтны гаргасан шийдвэртэй холбоотой байсан бол гэмт хэргийн шинжтэй гурван гомдол, мэдээлэл ирүүлсэн байх ба харьяаллын бус найман гомдол, мэдээллийг зохих байгууллагад нь шалгуулахаар шилжүүлсэн байна. Гомдол мэдээллийг салбар, байгууллагаар нь авч үзвэл боловсрол, нутгийн удирдлага, газрын харилцаа, кадастртай холбоотой гомдол, мэдээлэл харьцангуй олон иржээ.

Тухайлбал Нийслэлийн 122-р сургууль, 6-р сургууль, Ирээдүй цогцолбор, 35 дугаар сургууль, 22 дугаар сургууль, Дорнод аймгийн 5 дугаар сургууль, 12 дугаар цэцэрлэг, Баянзүрх дүүргийн 129-р цэцэрлэг, Сонгинохайрхан дүүргийн 12 дугаар сургууль зэрэг боловсролын байгууллагатай холбоотой, Баян-Өлгий, Архангай, Баянхонгор аймгийн Засаг даргын тамгын газрын албан тушаалтан, Увс, Дундговь, Хэнтий аймгийн сумдын төрийн албан хаагчидтай буюу нутгийн удирдлагатай холбоотой, Сонгинохайрхан дүүргийн газрын албаны албан хаагчдын ашиг сонирхлын зөрчил гаргасан гэх газрын харилцаатай холбоотой гомдол мэдээллүүд цөөнгүй ирүүлсэнийг хүлээн авч, хянан шалгаж байна.

Иргэд, олон нийт авлига, ашиг сонирхлын зөрчил, албан тушаалын гэмт хэрэг, төрийн байгууллагын хүнд сурталын талаар санал гомдол, мэдээллийг АТГ-ын 1800-1969 дугаарын утсанд өгч, цаашид энэ төрлийн хууль бус үйлдэл дахин гаргахаас сэрэмжлүүллээ.

Сэтгэгдэл үлдээх

Leave a Reply

Your email address will not be published.

Confirm that you are not a bot - select a man with raised hand:

This site uses Akismet to reduce spam. Learn how your comment data is processed.