УИХ-ын Эдийн засгийн байнгын хорооны хуралдаанаар өнөөдөр/2017.02.01/ Төрөөс төмөр замын тээврийн талаар баримтлах бодлогын баримт бичгийг хангах тухай УИХ-ын тогтоолын төслийн анхны хэлэлцүүлгийг хийсэн ч эцэст нь хойшлуулах шийдвэр гаргалаа.

Засгийн газраас өргөн мэдүүлсэн энэхүү төсөлд Зүүн баян-Ханги чиглэлд тавих шинэ төмөр замыг 1520 мм-ийн царигтай барихаар заажээ. Уг төмөр замаар гол төлөв төмрийн хүдэр тээвэрлэхээр төлөвлөсөн юм байна.

Хэлэлцүүлгийн шатанд гишүүд дээрх төслийг УИХ-аас өмнө баталж байсан Төрөөс төмөр замын талаар баримтлах бодлогын баримт бичигтэй зөрчилдсөн төсөл тул буцаахаас аргагүй байна.

Иймээс нэг бол Засгийн газар төслөө татан аваад дахин хэлэлцээд бодлогодоо зохицуулж оруулж ир, эс бол УИХ-аас буцаах шийдвэр гаргана гэсэн юм.

Үүнд Зам тээвэр, хөгжлийн сайд Д.Ганбат “Төслийг татан авъя” гэдэг тайлбар хийж, Байнгын хороо тус төслийн хэлэлцүүлгийг хойшлууллаа.

Сэтгэгдэл үлдээх

Leave a Reply

Your email address will not be published.

Confirm that you are not a bot - select a man with raised hand:

This site uses Akismet to reduce spam. Learn how your comment data is processed.